Ruku va sajdada

Assalomu alaykum! Mo‘minlar onasi Oishadan roziyallohu anhodan rivoyat qilinadi: Rasululloh alayhissalom ruku’ va sajdalarida:
سُبْحَانَكَ اللَّهُمَّ رَبَّنَا وَبِحَمْدِكَ ، اللَّهُمَّ اغْفِرْ لِي
«Subhanakallohumma robbana bihamdik, Allohummag‘firliy»,
der edilar. (Ma’nosi: Ey Rabbim, Senga hamd aytib, Seni poklayman. Ey Rabbim, mening gunohlarimni mag‘firat qil.) Buxoriy va Muslim rivoyatlari. Shuni sharhini aytib bersangizlar.
«Zikr ahlidan so‘rang» hay’ati:
Va alaykum assalom! عَنْ عَائِشَةَ رَضِيَ اللهُ عَنْهَا قَالَتْ: كَانَ النَّبِيُّ صَلَّى اللهُ عَلَيْهِ وَسَلَّمَ يَقُولُ فِي رُكُوعِهِ وَسُجُودِهِ: سُبْحَانَكَ اللَّهُمَّ رَبَّنَا وَبِحَمْدِكَ اللَّهُمَّ اغْفِرْ لِي. رَوَاهُ الْخَمْسَةُ إِلَّا التِّرْمِذِيَّ Oisha roziyallohu anhodan rivoyat qilinadi: «Nabiy sollallohu alayhi vasallam ruku’ va sujudlarida: «Subhanakallohumma Robbana va bihamdik. Allohummag‘firli», der edilar». Beshovlaridan faqat Termiziy rivoyat qilmagan. Sharh: Bu rivoyat ham oldingi hadisi sharifga o‘xshash, faqat duoning siyg‘asi boshqa. Rasululloh sollallohu alayhi vasallam bu duoni ruku’dan tashqari, sajdada ham o‘qiganliklari haqida so‘z bormoqda. Duoning ma’nosi: «Allohim, Robbimiz, Seni poklab yod etaman va hamd aytaman. Allohim, meni mag‘firat qilgin». ("Hadis va Hayot" kitobidan). Vallohu a’lam!

26 May 2022, 05:36 | Savol-javoblar | 154 | Ibodatlar
|
Boshqa savol-javoblar