Alkogolsiz pivo

Assalomu alaykum! Hurmatli ustozlar, ma’lumot o‘rnida alkogolsiz pivo haqida yozmokdaman. O‘ylashimcha bu ishlab chiqaruvchilarning navbatdagi nayrangi. Shunday pivo idishini sinchiklab o‘qisam “spirt miqdori 0,5%dan ko‘p emas” degan yozuvi bor ekan!
«Zikr ahlidan so‘rang» hay’ati:
Va alaykum assalom! Unday narsani ichmaslik kerak. Ulug‘larimiz muboh narsalarni haromga olib bormasin deb tark qilishgani ko‘p kitoblarda rivoyat qilingan. Shayton ham kishini birdaniga zino qildirmaydi. Asta-sekin diniy savol-javoblarni, keyin dunyoviy hamdardliklarni, keyin tez-tez gaplashib amru-ma’ruf qilishni yo‘lga qo‘yib oxiri zino qildiradi. Avvalda alkogolsiz pivo, keyin gradusi oz ekan deydi, keyin hamma pivo halolga chiqadi. Taqvodor inson alkogolsiz bo‘lsa ham iste’mol qilmasligi kerak. Hozirda qancha-qancha zinolar erkak va ayolni salom berishidan kelib chiqmoqda. Joiz emas desangiz “salom berishdan qaytaryapsizmi” deydi. Vallohu a’lam!
29 Aprel 2022, 00:30 | Savol-javoblar | 53 | Halol va harom
|
Boshqa savol-javoblar