Namoz haqida savollarim

Assalomu alaykum! Hurmatli  ustozlar, ilohim ilmingizni bundan xam  ziyoda qilsin! Men  sizlarni  ushbu saytingiz  orqali ibodat  qilishga  oid ko‘p narsalarni o‘qib  o‘rganib  ibodatlarimni bundan ham  ziyoda  bo‘lishi uchun xarakat qilmoqdaman. Buning  uchun  sizlarga  o‘z samimiy  minnatdorchiligimni bildiraman. Men  yana quyidagi savollar  bilan  murojaat qilmoqchiman:
1).  Jamoat bilan  masjidda nomoz  o‘qiganimda  nomozni boshlanishi oldidan takbir  aytilayotgan vaqtda ko‘pincha  orqamga  qarasam yoshi  ulug‘, taqvador nomozxonlar turganligini  ko‘raman  va  ular  oldida  men  oldingi  safda  turib nomoz o‘qishimga noqulay  bo‘lmoqda. Bunday  xolatlarda men  o‘z  o‘rnimni ularga bo‘shatib ikkinchi  safga  o‘tib  olsam, men  safni tark etgan bo‘lmaymanmi?
2). Men ibodat qilishni yaqinda boshlaganligim uchun menda  xozir nomozni o‘rganishga oid 3-4 ta kitoblarim bor, ularning birida  nomozni oxirida o‘qiladigan  «Solli» zikrini boshlanishida  Alohumma salli ’alo Muxammadin va ’alo oli Muxammad…. deb yozilgan. Lekin ikkinchi  kitobda  esa Alohumma solli ’alo Muxammadin va ’alo ali Muxammad……. deb yozilganligi  uchun  o   va  a  xarflari almashib  kelmoqda. Shuning  uchun   menda biroz ikkilanish bo‘lmoqda. Ba’zi bir qori  akalardan so‘rasam ikalasini xam o‘qiyvering  bo‘laveradi deyishyapti. Shunday  qilsam to‘g‘ri bo‘ladimi? Yuqoridagi  savollarni  yozishda  qilingan xato  va  kamchiliklarimga uzr  so‘rayman. Beriladigan javob  uchun  oldindan  minnatdochilik  bildiraman.
«Zikr ahlidan so‘rang» hay’ati:
Va alaykum assalom! 1). Masjiddagi joy muboh bo‘lib, kim birinchi kelsa o‘sha joy uning haqqi bo‘ladi. Joyingizni birovga berish yoki bermaslik ixtiyoringiz. 2). Allohumma solli alaa Muhammadin va alaa aali Muhammad – deb o‘qisangiz to‘g‘ri bo‘ladi. Vallohu a’lam!

27 Апрел 2022, 15:08 | Савол-жавоблар | 158 | Ibodatlar
|
Boshqa savol-javoblar