So‘yishga oid

Shayx hazratlari, Alloh sizni biz musulmonlarni islom ziyosi ila ma‘rifatlantirish yo‘lida qilayotgan ulkan ishlaringiz uchun O‘z dargohidan cheksiz ajru-savoblar ato etish ila mukofotlasin, inshaalloh. Shu asnoda sizga ushbu hizmatlaringiz uchun tashakkurlar aytgan holda bir savol ila murojaat etishga ijozat bergaysiz: Hazrat, sizning "Hadis va Hayot" asaringizni 15-juzini o‘qishim jarayonida menda bir savol paydo bo‘ldi. Ushbu savolning mazmunini quyida bayon etishga ijozat bergaysiz: "Hadis va Hayot" asaringizni 15-juzi, 3-fasl, “Bismilloh aytib va yaxshilab so’yish”, 180-betda “So’yish paytida Alloh taoloning ismidan boshqa ismni aytib bo’lmaydi. Hatto, “Bismillahi, Allohu Akbar, bu Falonchidan qurbonlik”, deyish ham makruhdir. Atash uchun biror narsa aytmoqchi bo’lsa, hayvonni yotqizishdan yoki “Bismillahi” ni aytishdan oldin aytsa mumkin.” – deyilgan. "Hadis va Hayot" asaringizni 15-juzi, 4-fasl, “Qurbonlik haqida”, 210-betda:“

5. Jobir roziyallohu anhudan rivoyat qilinadi: “Nabiy sollallohu alayhi vasallam bilan namozgohda qurbon namoziga hozir bo’ldim. U zot hutbalarini tugatib, minbarlaridan tushganlarida bir qo’chqor keltirildi. Bas, U zot uni o’z qo’llari bilan so’ydilar va: “Bismillahi va Allohu Akbar. Bu mendan va mening qurbonlik qilmagan ummatimdan”, dedilar. Abu Dovud va Termiziy rivoyat qilgan.” Ushbu ikkala iqtibosni qandoq tushunmoq darkor ? Yani ular bir-biriga hilof emasmi ? Javobingiz uchun oldindan tashakkur. Alloh ilmingizni yanada ziyoda va martabangizni O‘z huzurida yanada ulug‘ qilsin. Allohim qilayotgan hayrli ishlaringizni yanada barakotli va bardavom aylasin. Qimmatli vaqtingizni olganim uchun rozi bo‘lgaysiz. Alloh sizni va oila a‘zolaringizni hamisha O‘z panohida asrasin.

Shayx Muhammad Sodiq Muhammad Yusuf rohimahulloh:
- Xilof emas. Birinchi gap ommaning bilimsizligi tufayli noto‘g‘ri tasarruf qilib qo‘yishini oldini olish uchun bizga o‘xshagan diyorlar ulamolarining ehtiyot chorasi.

7 May 2022, 02:15 | Savol-javoblar | 156 | Halol va harom