To‘yga borsang taloq qilaman desa

Assalomu alaykum! Erim menga jiyaningni to‘yiga borsang taloq qilaman deb aytdi. Keyin to‘ygacha yarashdik to‘yga borishimga o‘zi ruxsat berdi. To‘y o‘tgandan so‘ng to‘yga borsang taloq qilaman disam xam bording dedi. Oramizga taloq tushganmi?
«Zikr ahlidan so‘rang» hay’ati:
– Va alaykum assalom! «Jiyaningni to‘yiga borsang, taloq qilaman» deyish bilan taloq tushmaydi. Chunki «qilaman» kelajakni anglatadi. Eringiz qilishi ham mumkin, qilmasligi ham mumkin. Lekin «Jiyaningni to‘yiga borsang, taloqsan», desa borsangiz taloq tushadi. Shuning uchun bu masalani o‘zingizga yaqin joydagi nikoh-taloq masalalarini puxta biladigan ahli ilm kishining huzuriga borib hal qilib olinglar. Vallohu a’lam!

12 May 2022, 16:23 | Savol-javoblar | 136 | Oila va turmush
|
Boshqa savol-javoblar