Namozni buzish

Assalomu alaykum! Aziz ustozlar, namozni qaysi hollarda buzishga ruxsat bor?
«Zikr ahlidan so‘rang» hay’ati:
Va alaykum assalom! Ulamolar namozni uzrsiz buzishni harom deganlar va uni buzishni muboh qiladigan sabablarni aytib quyidagilarni sanab o‘tganlar : 1). Dushman yoki yirtqich va shu kabi narsalardan o‘z joniga xavfni his qilganda. 2). Moliga xavf tug‘ilganda. Masalan o‘g‘ri uning molini o‘g‘irlamoqchi bo‘lsa, yoki jonivori qochib ketish ehtimoli bo‘lsa kabilar. 3). Biror inson yonish, cho‘kish, ko‘zi ojiz chuqurga tushib ketish va shu kabi xavf bo‘lganda uni qutqarib qolish uchun. 4). Ona o‘zining chaqalog‘iga biror xavfni sezsa, kabilar. (Roddul muxtor). Vallohu a’lam!

26 May 2022, 11:09 | Savol-javoblar | 144 | Ibodatlar
|
Boshqa savol-javoblar