Internet xabarlari

Assalamu alaykum. Alloh taolo sizlarni xalqimizga qilayotgan xizmatlaringizga ajru-mukofotlar bilan siylasin. Vaqtlaringizni band qilganimdan ming hijolatdaman. Lekin quyida keladigan ma’lumotlarga o‘xshash ma’lumotlar ko‘p kelayotlagi va ko‘pchilik ma’lumotlarni to‘g‘ridan-to‘g‘ri qabul qilib ketilayotganligi uchun Internet olamidan kelayotgan ma’lumotlarni avval tekshirib agar ma’lumoti to‘g‘ri bo‘lsa qabul qilishni o‘rganmoqdamiz. Savol: https://www.facebook.com/NasaatMedia/videos/1803760726528854/ ssilkadagi video ma’lumotiga ko‘ra «Hijr» surasidan oyat raqamini zikr qilmasdan ma’no tarjima qilib o‘tishibdi. Haqiqatmikin deya «Hijr» surasini 99ta oyatini bot-bot qarab chiqib, lekin videodagi ma’lumotni topa olmadim. Iltimos bilmaganimizni bilishimizda ko‘mak bersangizlar.
«Zikr ahlidan so‘rang» hay’ati:
Va alaykum assalom! Videodagi tarjimada “ne verili” o‘rniga “verili” bo‘lib qolgan. Bu so‘z ma’nosi quyidagi oyatlarda kelgan. لاَ يُؤْمِنُونَ بِهِ وَقَدْ خَلَتْ سُنَّةُ الأَوَّلِينَ۝ 13. U(Qur’on)ga iymon keltirmaslar. Darhaqiqat, avvalgilarning sunnati ham (shunday) o‘tgandir. Avvaldan kofirlarga bu narsa odat bo‘lib kelmoqda. Har bir payg‘ambar kelganida, uni masxara qiladilar va u keltirgan narsaga iymon keltirmaydilar. Kofirlarning odati qadimda ham shu edi, hozirda ham shunday bo‘lib qolyapti. وَلَوْ فَتَحْنَا عَلَيْهِم بَابًا مِّنَ السَّمَاء فَظَلُّواْ فِيهِ يَعْرُجُونَ۝ 14. Agar ularga osmondan bir eshik ochsag-u, kuppa-kunduzi unga ko‘tarilib tursalar ham: ("Tafsiri hilol" kitobidan). Vallohu a’lam!
1 May 2022, 11:26 | Savol-javoblar | 50 | Qur’oni karim
|
Boshqa savol-javoblar