"Муснад" китобидан савол

Ассаламу алайкум устоз Шайх Ҳазрталари.Сизни мусулмон миллатимиз учун қилаётган холис ниятли ишларингизни Аллоҳ қабул этсин.Устоз "Муснад" китобини ўқишни бошлаган эдим. Китобдаги бир ҳадисни ўқидим.44-ҳадис Абу Ҳанифа розияллоҳу анҳу Мансурдан, у Абу Воилдан ривоят қилган ҳадислари: Абу Воил розияллоҳу анҳу айтади: "Расулуллоҳ соллаллоҳу алайҳи вассаламнинг бир қавмнинг ташландиқ жойида тик туриб таҳорат ушатгаликларини кўрдим". Китобнинг изоҳлар ва таҳриж бўлимида эса Оиша онамиз розияллоҳу анҳодан қилинган ривоятда ("осорус сунан"1-24) эса: "Ким сизга Расулуллоҳ соллаллоҳу алайҳи вассалам тик туриб таҳорат ушатганлар деса, унинг гапини тасдиқламанг. Расулуллоҳ соллаллоҳу алайҳи вассалам фақат ўтирган ҳолда таҳорат ушатганлар". Абу Довуд, "кутуби ситта"соҳиблари ривоят қилганлар. Исноди ҳасандир деб, изоҳ берилганлигини кўрдим. Бу икки ҳадис ҳақидаги хулосамиз қандоқ бўлмоғи лозим?Мен ўзим таҳмин қилдимки биринчи ривоятдаги ҳолат балки Расули акрам соллаллоҳу алайҳи вассаламнинг бирор ғазотдаги жароҳат олган ҳолатларимикин, бундан Оиша онамиз хабардор бўлмаган бўлсалар керак, деб ўйладим. Таҳминим нотўғрими?Жавобингиз учун олдиндан раҳмат.

Шайх Муҳаммад Содиқ Муҳаммад Юсуф роҳимаҳуллоҳ:
- Тахминингиз қисман тўғри. Уламолар ўшанда Расулуллоҳ соллаллоҳу алайҳи васалламнинг узрлари бўлган дейишади.

5 Май 2022, 21:29 | Савол-жавоблар | 152 | Ҳадислар