Ечим топиш

Ассалому алайкум! Бир инсондан ўғриликни гумон қилиб уни кучли сўроққа тутдим. 5-6 киши билан ҳам сўроққа тутдик, у одам қилмаганини таъкидлаб, кўзига ёш олишигача борди ва охир оқибат ўша соатнинг ўзида у одамнинг ўғри эмаслиги маълум бўлди. Буюм бошқа жойда унутилиб қолдирилгани, Аллоҳнинг иродаси билан эсга тушди. У инсондан узримни сўрадим, қабул қилганини айтди, гувоҳларнинг олдида ҳам адашганимни таъкидлаб узр сўрадим. Лeкин ҳамон виждоним қийналмоқда. Қандай қилиб гуноҳимни ювсам, виждон азобидан қутулсам бўлади?
«Зикр аҳлидан сўранг» ҳайъати:
Ва алайкум ассалом! Кўнглини кўтарадиган бирор яхшилик ёки бирор яхши нарса ҳадя қилинг. عن أبي ذر ومعاذ بن جبل رضي الله عنهما ، أن رسول الله صلى الله عليه وسلم قال : اتق الله حيثما كنت ، وأتبع السيئة الحسنة تمحها ، وخالق الناس بخلق حسن رواه الترمذي وقال : حديث حسن ، وفي بعض النسخ : حسن صحيح Абу Зар ва Муоз ибн Жабар розияллоҳу анҳумодан ривоят қилинади: "Расулуллоҳ соллаллоҳу алайҳи васаллам : “Қаерда бўлсанг ҳам Аллоҳга тақво қил. Ёмонлик қилсанг, орқасидан яхшилик қилиб қўй. Шунда у ёмонликни ювиб юборади(ўчириб ташлайди) ва одамларга гўзал хулқ билан муомалада бўл” деганлар".  Валлоҳу аълам!

26 Май 2022, 12:38 | Савол-жавоблар | 137 | Долзарб саволлар
|
Boshqa savol-javoblar