Namozlar orasida dunyoviy gaplar gapirish
Assalomu alaykum! Hurmatli ustozlar, masjidga bamdod namozini farzini o‘qish uchun yo‘lda ketayotib salavot va zikrlar o‘qib ketayotib yo‘lovchilar «Assalomu alaykum» deb salom bersa unga «Valaykum assalom» deb javob qaytarish va masjidga birga ketayotgan sheriklar bilan dunyoviy so‘zlarni gaplashib ketish to‘g‘risida savol bergandim. Sizlar tomoningizdan juda chiroyli yaxshi javob olib, sizni bergan javobingizga amal qilib, ibodat qilib kelmoqdaman. Lekin meni yonimdagi sheriklarim uylarida sunnatini o‘qib, masjidga ketayotib, dunyoviy so‘zlarni gaplashib ketishmoqda. Ular ichida ko‘p yillardan beri namoz va Qur’onni o‘qib kelayotgan ulamolardan biri ham dunyoviy so‘zlarni gaplashib ketmoqda. To‘g‘ri har kim qilgan gunohiga o‘zi javob beradi. Men sizlardan olgan javobimga asoslanib shunday bo‘lsa ham unga tushintirishga harakat qildim. Lekin o‘sha odam menga “Qur’on va hadislarda men bunday javob ko‘rmadim” deb aytmoqda. Shuning uchun noo‘rin va qayta savol berib sizlarni bezovta qilganim uchun uzr so‘rayman. Agar imkoni bo‘lsa shu savolimga batafsilroq javob bersangizlar.
«Zikr ahlidan so‘rang» hay’ati:
Va alaykum assalom! Imom Ahmad, imom Ishoq, shuningdek ba’zi hanafiy ulamolar : “Sunnatni o‘qigandan keyin so‘zlashish sunnatni botil qiladi” deganlar. “Durrul muxtor” va “Bahrurroyiq” kitoblarida hanafiy ulamolarining ba’zilari ham shunday deyilgan. Jumhur ulamolar “botil bo‘lmaydi” deganlar. Shundan ma’lum bo‘ladiki, sunnat o‘qilgandan keyin zaruratsiz gapirmaslik kerak. Farzlardan oldingiz sunnatdan maqsad Alloh taologa yuzlanish va qalbni farzga tayyorlashdir. Sunnatlardan keyin so‘zlashish bilan bu maqsad zoe bo‘ladi. Rasululloh sollallohu alayhi vasallam sunnatdan keyin Oisha roziyallohu anho onamiz bilan gaplashganlari haqidagi hadisdan, u zot sollallohu alayhi vasallamning so‘zlashganlarini boshqa insonlarning so‘zlashishlariga qiyoslamaslik kerak. Bu narsa bamdodning sunnatiga xos bo‘lmay, balki boshqa sunnat namozlariga ham tegishlidir. Sahobalardan Abdulloh ibn Mas’ud roziyallohu anhu bamdodning sunnatidan keyin so‘zlashishni qattiq olar edilar. (Musannaf ibn Abi Shayba). Vallohu a’lam!
12 May 2022, 13:07 | Savol-javoblar | 182 | Ibodatlar
«Zikr ahlidan so‘rang» hay’ati:
Va alaykum assalom! Imom Ahmad, imom Ishoq, shuningdek ba’zi hanafiy ulamolar : “Sunnatni o‘qigandan keyin so‘zlashish sunnatni botil qiladi” deganlar. “Durrul muxtor” va “Bahrurroyiq” kitoblarida hanafiy ulamolarining ba’zilari ham shunday deyilgan. Jumhur ulamolar “botil bo‘lmaydi” deganlar. Shundan ma’lum bo‘ladiki, sunnat o‘qilgandan keyin zaruratsiz gapirmaslik kerak. Farzlardan oldingiz sunnatdan maqsad Alloh taologa yuzlanish va qalbni farzga tayyorlashdir. Sunnatlardan keyin so‘zlashish bilan bu maqsad zoe bo‘ladi. Rasululloh sollallohu alayhi vasallam sunnatdan keyin Oisha roziyallohu anho onamiz bilan gaplashganlari haqidagi hadisdan, u zot sollallohu alayhi vasallamning so‘zlashganlarini boshqa insonlarning so‘zlashishlariga qiyoslamaslik kerak. Bu narsa bamdodning sunnatiga xos bo‘lmay, balki boshqa sunnat namozlariga ham tegishlidir. Sahobalardan Abdulloh ibn Mas’ud roziyallohu anhu bamdodning sunnatidan keyin so‘zlashishni qattiq olar edilar. (Musannaf ibn Abi Shayba). Vallohu a’lam!
12 May 2022, 13:07 | Savol-javoblar | 182 | Ibodatlar