Musulmon bo‘lmagan davlatga ko‘chib o‘tish

Assalomu alaykum! Musulmon inson musulmon bo‘lmagan davlatga doimiy yashash uchun ko‘chib o‘tishi mumkinmi? Bir tanishim bu gunox, musulmon bo‘lmagan davlatga ko‘chib o‘tsang Payg‘ambarimiz (s.a.v) xam sendan voz kechadi ekan dedi. Shu rostmi? Bugungi kunda ko‘pchilik insonlar Evropa davlatlariga ko‘chib ketmoqda, bu qanchalik to‘g‘ri?
«Zikr ahlidan so‘rang» hay’ati:
– Va alaykum assalom! Bu asli yo‘q gap. Musulmon kishi musulmonmas yurtlarda doimiy yashashi mumkin. Muhimi musulmon qaerda bo‘lsa ham diniga amal qilib hayot kechirishi kerak. Bazi ulamolar kishi dinini yaxshi bilishi, shubha va kufrga tushib qolmasligi uchun kifoya qiladigan ilmi bo‘lishi va o‘sha erda yashashga muhtoj bo‘lishini shart qilgan. Vallohu a’lam!

13 May 2022, 12:32 | Savol-javoblar | 176 | Turli savollar
|
Boshqa savol-javoblar