Bir amalga ikki xil niyat

Assalomu alaykum! Inson xar oy topgan daromadidan eng kamida 40 dan bir qismini zakotimdan deb niyat qilib muxtojlarga berib borishi to‘g‘ri bo‘ladimi? Agar to‘g‘ri bo‘lsa ortiqcha bergani exsonga o‘tadimi yoki kelasi yilgi zakotidan bo‘ladimi?
«Zikr ahlidan so‘rang» hay’ati:
– Va alaykum assalom! Zimmangizdagi vojib zakot miqdorini bilib oling va o‘shani ado qiling. Undan ham ko‘prog‘ini berishga qodir bo‘lsangiz, ortiqchasini keyingi yillar zakoti uchun deb niyat qilishingiz durust.
Oldindan bir necha yillik zakotni ado qilish mumkinmi?
Javob: Nisob egasi bir necha yillik zakotni oldindan ado qilishi mumkin.وَلَوْ عَجَّلَ ذُو نِصَابٍ زَكَاتَهُ لِسِنِينَ أَوْ لِنُصُبٍ صَحَّ لِوُجُودِ السَّبَبِ. “Nisob egasi bir necha yil uchun yoki bir necha nisob uchun oldindan zakotni berishi sabab mavjud bo‘lgani uchun durustdir” (Durrul muhtor).  Vallohu a’lam!
13 May 2022, 15:05 | Savol-javoblar | 120 | Ibodatlar
|
Boshqa savol-javoblar