Etikofda xayz

Assalomu alaykum! Etikofni 10 kunga niyat qilgan ayol, etikofi 10 kun bo‘lmay xayz ko‘rib qolsa etikofni davom ettiraveradimi?
«Zikr ahlidan so‘rang» hay’ati:
– Va alaykum assalom! Ayol kishi oxirgi o‘n kunning e’tikofidaligida odat qonini ko‘rsa nima qiladi?
Javob: E’tikofdan chiqadi. Keyinchalik ro‘zador holatda bir kun e’tikofning qazosini o‘tiradi. Qolgan kunlarning ham e’tikofini o‘tirsa afzaldir.وَلَوْ حَاضَتْ الْمَرْأَةُ فِي حَالِ الِاعْتِكَافِ فَسَدَ اعْتِكَافِهَاE’tikof holatida hayz qonini ko‘rgan ayolning e’tikofi buziladi. (Badoyi’us Sanoyi’).Ayollar e’tikofni qanday ado etadilar?
Javob: Ayollar o‘z uyining bir joyini namoz o‘qish uchun ta’yin qilib, o‘sha joyda e’tikof o‘tiradi. Bu bilan jamoat masjidida e’tikof o‘tirganlikning savobini oladi. Tabiiy ehtiyojlari uchungina tashqariga chiqishlari mumkin. Boshqa holatlarda esa chiqishlik mumkin emas.وَالْمَرْأَةُ تَعْتَكِفُ فِي مَسْجِدِ بَيْتِهَا إذَا اعْتَكَفَتْ فِي مَسْجِدِ بَيْتِهَا فَتِلْكَ الْبُقْعَةُ فِي حَقِّهَا كَمَسْجِدِ الْجَمَاعَةِ فِي حَقِّ الرَّجُلِ لَا تَخْرُجُ مِنْهُ إلَّا لِحَاجَةِ الْإِنْسَانِ كَذَا فِي شَرْحِ الْمَبْسُوطِ لِلْإِمَامِ السَّرَخْسِيِّ Ayol kishi e’tikof o‘tirmoqchi bo‘lsa o‘z uyining namoz uchun mo‘ljallangan joyida e’tikof o‘tiradi va bu joy ayol uchun erkaklarning jamoat masjidi kabidir. U erdan faqatgina insoniy hojatlar yuzasidan tashqariga chiqa oladi. Imom Saraxsiyning “Mabsut” kitoblarida ham shunday zikr qilingan. (Fatavoi Hindiya). Vallohu a’lam!
23 May 2022, 10:52 | Savol-javoblar | 93 | Ibodatlar
|
Boshqa savol-javoblar