"Zinokorlarni umurtqasini chiritamiz" degan oyat

Assalomu alaykum! Bir joyda “Alloh zinokorlarga umurtqa pog‘onasiga dard berib chiriturmiz deyilgan” deb eshitdim. Shu qaysi surani nechanchi oyatida berilgan?
«Zikr ahlidan so‘rang» hay’ati:
– Va alaykum assalom! Umurtqa pog‘onasiga dard berish haqidagi oyatni bilmadik.  Alloh taolo "Furqon" surasida marhamat qiladi:  وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا۝ 68. Ular Alloh bilan birga biror ilohga iltijo qilmaslar. Alloh (o‘ldirishni) harom qilgan jonni nohaqdan o‘ldirmaslar. Zino qilmaslar. Kim ana shuni qilsa, uqubatga duchor bo‘lur.
Ya’ni Allohga shirk keltirsa, nohaqdan odam o‘ldirsa va zino qilsa, gunohning uqubatiga duchor bo‘ladi.  يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا۝ 69. Qiyomat kuni uning azobi bir necha barobar ko‘paytirilur va u(azob)da xor bo‘lib, mangu qolur. Vallohu a’lam!

25 May 2022, 20:22 | Savol-javoblar | 151 | Dolzarb savollar
|
Boshqa savol-javoblar