Musibat bo‘lgan uyda taom tayyorlash

Assalomu alaykum! Odam vafot etgan xonadonda 3 kun davomida qozon osish(ovqat tayyorlash) mumkin emas degan narsa bor ekan. Shu to‘g‘rimi?

«Zikr ahlidan so‘rang» hay’ati:
– Va alaykum assalom! Noto‘g‘ri, ziyofat uyushtirish joiz emas. O‘lgan odamning merosi merosxo‘rlar o‘rtasida bo‘lib olinmagunicha, meros qolgan narsalardan ovqat tayyorlab bo‘lmaydi. O‘zlarining mulkidan o‘zlari va yaqinlari eyish uchun taom pishirish joiz. Vallohu a’lam!