Ehson qilish

Assalomu alaykum! Men kelajakda pul to‘plab bobomni hajga olib bormoqchi edim. Lekin u to‘plagan pullarimni avvalombor yon-atrofimdagi barcha kam ta’minlangan, nochor oilalarga exson tariqasida yordam bermoqchiman. Butun maxallani to‘plab to‘qlarga exson qilgandan ko‘ra, xufyona shunday xayrli ishni qilganim afzalroqmikin? Shu ishim ma’qulmi?
«Zikr ahlidan so‘rang» hay’ati:
Va alaykum assalom! Bir qismini ularga bir qismini hajga ajrating. Chunki haj ulkan ibodat bo‘lib, halol yo‘l bilan ado qilinsa, mukofoti ulkandir. عَنْ أَبِي هُرَيْرَةَ رَضِي اللهُ عَنْهُ: أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: الْعُمْرَةُ إِلَى الْعُمْرَةِ كَفَّارَةٌ لِمَا بَيْنَهُمَا، وَالْحَجُّ الْمَبْرُورُ لَيْسَ لَهُ جَزَاءٌ إِلَّا الْجَنَّةُ Abu Hurayra roziyallohu anhudan rivoyat qilinadi: «Rasululloh sollallohu alayhi vasallam: «Umra (keyingi) umragacha ikkalasi orasidagilarga kafforatdir. Mabrur hajning* mukofoti esa faqat jannatdir», dedilar». (“Oltin silsila” kitobidan Sahihul Buxoriy). Vallohu a’lam!
29 Aprel 2022, 03:13 | Savol-javoblar | 124 | Dolzarb savollar
|
Boshqa savol-javoblar