Raj’iy va boin talok haqida

Assalomu alaykum! Hurmatli ustozlar, raj’iy taloq bilan kichik boin taloq o‘rtasidagi farqni tushuntirib bersangizlar. Javoblaringiz uchun oldindan rahmat.
«Zikr ahlidan so‘rang» hay’ati:
Va alaykum assalom! Xalqimiz orasida “er bir taloqni qo‘yganidan keyin orqasidan 2-3-taloqlar tushmaydi” degan gap bor ekan. Bu bir tomondan to‘g‘ri bo‘lsa, ikkinchi tomondan noto‘g‘ridir. Er taloq qilganidan keyin o‘z-o‘zidan ayol iddaga o‘tiradi. O‘sha idda vaqtida ayol bir jihatdan erning ayoli hisoblanadi. Iddasi chiqqunigacha boshqaga nikohlana olmaydi, non-nafaqasi erning zimmasida bo‘ladi. Shuning uchun bir taloqdan keyin idda ichida yana taloq qo‘ysa, oraga taloq tushadi. Bir suratdagina keyingi taloq tushmasligi mumkin. U ham bo‘lsa, boin taloqqa keyingi kinoya bilan qo‘yilgan taloq tushmaydi. Vallohu a’lam! Quyidagi linkdagi ma’lumotlarni o‘qing. https://fiqh.uz/index.php/oilam-turmush/nikoh-taloq/357-talo-a-ida
20 Aprel 2022, 20:19 | Savol-javoblar | 87 | Oila va turmush
|
Boshqa savol-javoblar