O‘zga dinga o‘tib qaytgan qo‘shni

Assalomu alaykum! Ustozlar, mahallamizda bir odam musulmon dinidan chiqib g‘ayridin ya’ni boshqa dinga o‘tib ketgandi. Bir necha yil shunday yashadi, odamlarga ham musulmonlarga ham uncha qo‘shilmay yurdi. Keyin xato qiliganliklarini tushunib etib bir necha oy oldin kalima keltirib tavba qilibdi. Ushbu odam musulmonlikka qaytgan bo‘ladimi? Shu kunlarda to‘y qilib musulmonlarga exson qilish niyati bor ekan, eshitib hayronmiz.

---

«Zikr ahlidan so‘rang» hay’ati:
- Va alaykum assalom! Tavba qilgan bo‘lsa tavbasi e’tiborga olinadi. Kalima aytgan bo‘lsa musulmon deb hisoblanadi. Qaytgani haqiqiy yoki haqiqiymasligini bilish uchun masjidga chiqayotganini bilish kerak. Vallohu a’lam!

---

---

2 May 2022, 18:43 | Savol-javoblar | 142 | Turli savollar