Islom etib bormagan joylar

Assalomu alaykum! Dunyoni yaratilishiga nazar solsak Payg‘ambarlar Allohning marxamati bilan yaqin sharqdan chiqishgan, lekin ikki qit’a odamlari Avstraliya va Amerikada yashovchilarga nima uchun Alloh yagonaligi xaqida xabar etkazilmagan? Nima ularning shuncha yillik avlodlari Alloh xaqida bilmay turib o‘lib ketishgani uchun endi do‘zaxi bo‘lishadimi?
«Zikr ahlidan so‘rang» hay’ati:
– Va alaykum assalom! Alloh taolo “Isro” surasi 15-oyatida marhamat qiladi: «Toki rasul yubormagunimizcha, azoblovchi bo‘lgan emasmiz».Insonga aql, farosat berganimizdan keyin, dunyodagi qudratimizga, Xoliq, Mudabbir va Roziq ekanimizga dalolat etuvchi mo‘’jizalarga qarab to‘g‘ri yo‘lni tanlab, Bizga iymon keltirib, ibodat etishini farz qilib, bajarilmasa, jazolashni joriy qilsak, haqqimiz bor edi. Ammo bunday qilmadik. Bandalarimizga rahm qildik. Mazkur narsalar ustiga, yana ogohlantiruvchi, eslatuvchi payg‘ambar yuborishni ham iroda etdik. Payg‘ambar ogohlantirganidan keyin ham iymon va Islom yo‘lini tanlamaganlarni azoblashga ahd etdik. Payg‘ambar va uning da’vati etmaganlarni esa azoblamaslikka qaror qildik.
Qolaversa o‘sha joylarda necha yuz yildan beri masjidlar borligi hammaga ma’lum. Rasululloh sollallohu alayhi vasallam عن المقداد بن الأسود رضي الله عنه قال: سمعت رسول الله صلى الله عليه وسلم يقول: لا يبقى على ظهر الأرض بيت مَدَرٍ، ولا وَبَرٍ، إلَّا أدخله الله كلمة الإسلام، بِعزِّ عَزِيزٍ، أو ذُلِّ ذَلِيلٍ، إمَّا يُعِزُّهم الله، فيجعلهم من أهلها، أو يُذِلهُّم، فيدينون لهاMiqdod ibn Asvad roziyallohu anhudan rivoyat qilinadi:  
“Men Rasululloh sollallohu alayhi vasallamning: “Er yuzida loydan qilingan yoki yungdan qilingan birorta ham uy qolmasdan albatta-albatta Alloh unga islom kalimasini kirgizadi. Aziz aziz bo‘ladi, xor xor bo‘ladi. Alloh ularni aziz qiladi va islom kalimasining ahlidan qiladi yoki ularni xor qilib ular islom kalimasiga albatta bo‘yinsunadilar” deyayotganlarini eshitdim” deganlar.
Yana boshqa bir hadislarida islom kalimasi kirmagan birorta ham xonadon qolmasligini, hatto qaerga tun va kun etib borsa o‘sha erga ham islom etib borishini aytganlar.  Vallohu a’lam!

2 May 2022, 23:50 | Savol-javoblar | 166 | Islam
|
Boshqa savol-javoblar