Уй атрофини ўраш

Ассалому алайкум! Хозиргина бир домлани гапини эшитиб колдим; Эмишки Ким уйини олдини решетка-панжара билан ўраб олса унга Аллоҳни льанати ёғилармиш. Шу гап жуда қаттиқ тегди менга. Решетка-панжара билан ўралмаган уй йўқку қишлоқ жойлада? Ўрамаса мол-қўйла узумми, олма, олчами ё яна бошқа нарсалани пайхон қиладику! Панжара билан ўраган бўлсак одамладанмас мол қўй эчки итладан химоялаганмиз. Панжарани баландлиги тизза баравар, одам учун тўсиқ эмаску бу? Кўчадан ўтган болами ёки котта одамми эшигимиздаги олма узум урик олча ё бошқа нарсадан бир дона олиб еса хурсанд бўламиз, яхши экан, одамлага ёқди деб. Энди шу панжара учун қишлоқ аҳлини хаммасига Аллоҳни лаьнати ёғиладими? Ёки домла озгина оширвордилами, шуни тушунтириб қўйсанглар илтимос.
«Зикр аҳлидан сўранг» ҳайъати:
– Ва алайкум ассалом! Ўз ерига тўсиқ (панжара) қўйишнинг зарари йўқ. Ўзганинг ерига тўсиқ қўйиш унинг ерини тортиб олишдир. Ўзганинг ерини тортиб олган ва ўзлаштирганлар Аллоҳнинг лаънатига ва қиёматда оғир азобга дучор бўладилар.
Имом Муслим ривоят қилган ҳадисда бундай айтилган:حَدَّثَنَا أَبُو الطُّفَيْلِ عَامِرُ بْنُ وَاثِلَةَ، قَالَ: كُنْتُ عِنْدَ عَلِيِّ بْنِ أَبِي طَالِبٍ، فَأَتَاهُ رَجُلٌ، فَقَالَ: مَا كَانَ النَّبِيُّ صَلَّى اللهُ عَلَيْهِ وَسَلَّمَ يُسِرُّ إِلَيْكَ، قَالَ: فَغَضِبَ، وَقَالَ: مَا كَانَ النَّبِيُّ صَلَّى اللهُ عَلَيْهِ وَسَلَّمَ يُسِرُّ إِلَيَّ شَيْئًا يَكْتُمُهُ النَّاسَ، غَيْرَ أَنَّهُ قَدْ حَدَّثَنِي بِكَلِمَاتٍ أَرْبَعٍ، قَالَ: فَقَالَ: مَا هُنَّ يَا أَمِيرَ الْمُؤْمِنِينَ؟ قَالَ: قَالَ: لَعَنَ اللهُ مَنْ لَعَنَ وَالِدَهُ، وَلَعَنَ اللهُ مَنْ ذَبَحَ لِغَيْرِ اللهِ، وَلَعَنَ اللهُ مَنْ آوَى مُحْدِثًا، وَلَعَنَ اللهُ مَنْ غَيَّرَ مَنَارَ الْأَرْضِАбу Туфайл Омир ибн Восила айтади: 
«Алий ибн Абу Толибнинг ҳузурида эдим, бир киши келиб, унга: «Набий соллаллоҳу алайҳи васаллам сизга нималарни сир қилиб айтганлар?» деди. Унинг (Алийнинг) жаҳли чиқиб, «Набий соллаллоҳу алайҳи васаллам менга ҳеч нарсани одамлардан яшириб айтмаганлар. Лекин у зот менга тўрт нарсани айтганлар», деди. Шунда у: «Эй мўминларнинг амири! Улар нималар эди?» деди. (Алий) шундай деди: «Расулуллоҳ соллаллоҳу алайҳи васаллам: «Отасини лаънатлаганни Аллоҳ лаънатласин. Аллоҳдан бошқага атаб қурбонлик қилганни Аллоҳ лаънатласин, бидъатчига бошпана берганни Аллоҳ лаънатласин, ер белгисини ўзгартирганни ҳам Аллоҳ лаънатласин», деганлар».
* Ер белгиси – ер майдонининг ҳудудини, чегарасини белгиловчи нарса. Ер белгисини ўзгартириш деганда белгиланган ҳудуд ёки ер майдонининг чегарасини ўзбошимчалик билан, ўз фойдасига ўзгартириб олиш тушунилади.حَدَّثَنِي مُحَمَّدُ بْنُ إِبْرَاهِيمَ: أَنَّ أَبَا سَلَمَةَ حَدَّثَهُ أَنَّهُ كَانَتْ بَيْنَهُ وَبَيْنَ أُنَاسٍ خُصُومَةٌ، فَذَكَرَ لِعَائِشَةَ رَضِيَ اللهُ عَنْهَا، فَقَالَتْ: يَا أَبَا سَلَمَةَ، اجْتَنِبِ الْأَرْضَ، فَإِنَّ النَّبِيَّ صَلَّى اللهُ عَلَيْهِ وَسَلَّمَ قَالَ: «مَنْ ظَلَمَ قِيدَ شِبْرٍ مِنَ الْأَرْضِ طُوِّقَهُ مِنْ سَبْعِ أَرَضِينَМуҳаммад ибн Иброҳим бундай сўзлаб берди:
«Абу Саламанинг айтишича, у билан бир гуруҳ одамлар ўртасида (бир ер хусусида) даъволашув бор экан. У буни Оиша розияллоҳу анҳога айтган экан, у: «Эй Абу Салама, ердан узоқроқ бўл. Чунки Набий соллаллоҳу алайҳи васаллам: «Ким бир қарич ерни ноҳақ ўзлаштириб олса, унинг бўйнига етти қават ер осиб қўйилади», деганлар», деди». (“Олтин силсила” китобидан Саҳиҳул Бухорий). Валлоҳу аълам!

6 Октабр 2022, 18:14 | Савол-жавоблар | 117 | Турли саволлар
|
Boshqa savol-javoblar