Ayol erkakka arab tili va namozni o‘rgatsa bo‘ladimi?

Assalomu alaykum! Turmush o‘rtog‘imning jiyani yani tog‘alarini o‘g‘li bor. Kelin bo‘lib tushganimdan beri og‘ir ishlarimga qarashadi. O‘zi 8-sinfda o‘qiydi. Oilaviy muxitimiz uncha yaxshimas. Yani meni uyimdagilar xam ularnikilar xam namoz o‘qimaydi. Alxamdulillax menga qarshilik qilishmaydi. Shunisiga xam shukur. Allohdan ularga mustaxkam iymon so‘rab duodaman. Jiyanimiz kelinoyi siz menga namoz o‘qishni arab tilini o‘rgating deb ko‘p aytyapti. U boshqalardek bo‘lmoqchi emas. Shunga men Muallimi Soniydan dars berib, namozni xam o‘rgatsam bo‘ladimi? Adashmasam boshqalarga aytgani xaddi sig‘mayapti.
«Zikr ahlidan so‘rang» hay’ati:
– Va alaykum assalom! Shariatimizda nomahram ayol va erkak bir makonda yolg‘iz qolishlari, zinoga olib boruvchi mazmunda suhbat qurishlari haromdir. Sizlar bundan omonda bo‘lishingizga ishonmaymiz. Jiyaningiz erkak o‘qituvchi topib o‘shandan dars olsin. Vallohu a’lam!

5 Avgust 2022, 17:53 | Savol-javoblar | 184 | Turli savollar
|
Boshqa savol-javoblar