Jonsiz narsaga tegish natijasida mayl kelish

Assalomu alaykum! Odobsizligim uchun oldindan uzr so‘rayman. Erkak kishi shaxvat bilan biror jonsiz narsaga teginishi natijasida mayil kelsa, shaxvatini qondirsa bu gunoxmi? Hukmi qanday agar gunox bo‘lsa? Javob uchun rahmat.
«Zikr ahlidan so‘rang» hay’ati:
- Va alaykum assalom! Aslida unday ishni fuqaholarimiz harom deb aytganlar. Uni haromligiga quyidagi oyatni dalil qilganlar.  وَالَّذِينَ هُمْ لِفُرُوجِهِمْ حَافِظُونَ۝ 5. Ular farjlarini saqlovchilardir. إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ۝ 6. Magar o‘z jufti halollari va qo‘llarida mulk bo‘lganlardan (saqlamasalar), albatta, ular malomat qilinuvchi emaslar. فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ۝ 7. Kim ana shundan boshqani tilasa, bas, ana o‘shalar tajovuzkorlardir. (“Mu’minun” surasi).
Shariatimizda zarar keltiruvchi har bir narsa harom degan qoida bor. Ushbu qoida asosida fuqaholarimiz hozirgi kunda nos va sigaret kabilarni haromligiga fatvo bermoqdalar. Xuddi shuningdek tibbiy jihatdan istimno’ qilish ham o‘ta xatarli ish ekanligi isbotini topdi(ba’zi bir e’tiborsiz doktorlarni gapiga qaralmaydi. Chunki ularni gapi olinsa bir jinslilarni nikohidagi bir qancha foydalarini ham aytib beraveradilar). Vallohu a’lam!

30 Aprel 2022, 00:56 | Savol-javoblar | 145 | Halol va harom
|
Boshqa savol-javoblar