Takbir aytishning qoidasi

Assalomu alaykum! Bizdan bir Imom takbir aytishda lafzlarni juft qilib:
-Allohu akbarullohu akbar,
-Ashhadu alla ilaha illallohi Ashhadu alla ilaha illalloh,
-Ashhadu anna Muhammadarrosulullohi Ashhadu anna Muhammadarrosululloh,- Hayya alassolati hayya alassolah,
Hayya alal falahi hayya alal falah,
Qod qomatissolati qod qomatissolah…
deb aytish sunnat, agar ajratib aytsangiz har bir kalimada to‘xtab, nafas olib (vaqf) aytish kerak debdilar. Biz bunga amal qilayotgan edik. Ammo, ba’zilar bu noto‘g‘ri «Muxtasar»da bunday deyilmagan deb inkor etishmoqda. Ustozlar bizning mazhabda takbir aytishda qanday qoidalari bor va eng kuchli qavl qaysi? Javob uchun oldindan rahmat.
«Zikr ahlidan so‘rang» hay’ati:
Va alaykum assalom! “Qod qomatissolati”ni alohida aytish mustahab. Qolganini juft qilib aytiladi. “Muxtasar”da o‘z nomi bilan muxtasar, ya’ni juda qisqa ma’lumotlar keltirilgan. Uning sharhlarini o‘qishga ham o‘tish kerak. Vallohu a’lam!
1 May 2022, 08:55 | Savol-javoblar | 80 | Ibodatlar
|
Boshqa savol-javoblar