Oilada pul o‘rtada bo‘lsa qurbonlikni kim qiladi

Assalomu alaykum! Biz o‘zimni akam bilan tijoratimiz bitta, ro‘zg‘orimiz ham. Nechpul pul topsek o‘rtaga tashlab dasmaya yig‘amiz. Ro‘zg‘orga ham o‘sha pullardan olamiz, qisqa qilib aytganda sherikmiz hamma pullarimiz bitta. Endi shu o‘rinda savol tug‘ulib qoladi qurbonlik qilish uchun alohida alohida qo‘y so‘yamizmi yoki 1 ta qo‘y kifoya qiladimi?
«Zikr ahlidan so‘rang» hay’ati:
– Va alaykum assalom! O‘rtadagi pullarni masalasini hal qilib olish kerak. Hamma narsa o‘rtada kimnikiligi noma’lum bo‘lishi yaxshilik emas. Bu ko‘p muammolarga sabab bo‘lishi mumkin. Zakot, qurbonlik, ahli ayolga nafaqa va meros masalalarida mushkul bo‘ladi. O‘rtadagi pulni kelishib taqsimlab olinglar. Ajratib olmasanglar ham, qanchasi kimniki ekanini aniqlab qo‘yish va shunga asosan zakot, qurbonliklarni ado qilish kerak bo‘ladi. Hisobga ko‘ra ikkingiz ham nisob egasi bo‘lsangiz, har biringiz alohida qurbonlik qilishingiz vojib bo‘ladi. Vallohu a’lam!

11 May 2022, 07:24 | Savol-javoblar | 166 | Turli savollar
|
Boshqa savol-javoblar