Nikoh buzilish mumkinmi?

Assalomu alaykum! Bu voqeaga ancha bo‘ldi. Men uylangan paytlarimda uyda tushumovchilik sababli, men ayolim bilan urishib ancha vaqt birga yashamadik. Shu vaqtda meni boshka qizga uylantirishmoqchi bo‘lishdi. Lekin men uylanishni xohlamadim. Bir emas ikkita farzandim bor edi. Savolim shu ediki, o‘sha uydagilar boshqa qizga uylantiramiz deyishgan paytlarida, uydagilarga “ayolimning yoniga borib uch taloq qo‘yib kelaman” degan edim. Lekin shu ishni qilmadim. Endi shu gapim bilan ayolim o‘rtamizdagi nikohim buzilishi mumkinmi? Javobingiz uchun oldindan rahmat.

---

«Zikr ahlidan so‘rang» hay’ati:
Va alaykum assalom! “Ayolimning yoniga borib uch taloq qo‘yib kelaman” degan gap bilan taloq tushmaydi. Albatta agar undan boshqa gaplar bo‘lmagan bo‘lsa... Vallohu a’lam!

---

---

26 May 2022, 12:56 | Savol-javoblar | 148 | Oila va turmush