Namozni vaqtida o‘qimay qo‘yganga nasihat
Assalomu alaykum! Aziz ustozlar, din-diyonatdan xabari bor lekin toqati etmaganidan namozlarni vaqtida o‘qiy olmay namoz o‘qishni to‘xtatgan odamga yaxshi bir nasihat qilsangizlar.
«Zikr ahlidan so‘rang» hay’ati:
- Va alaykum assalom! Rasululloh sollallohu alayhi vasallam “Ummatimining barchasi jannatga kiradi, bosh tortganlardan tashqari” dedilar. Kimdir toqatim etmaydi deb bosh tortadi, kimdir uni kimdir buni bahona qiladi. Natija esa bir xil. Baribir o‘qimagan bo‘ladi. Shu o‘rinda insonga jannat yoki do‘zaxni tanlashga imkon beriladi. عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: كُلُّ أُمَّتِي يَدْخُلُونَ الْجَنَّةَ إِلَّا مَنْ أَبَى قَالُوا: يَا رَسُولَ اللهِ وَمَنْ يَأْبَى؟ قَالَ: مَنْ أَطَاعَنِي دَخَلَ الْجَنَّةَ وَمَنْ عَصَانِي فَقَدْ أَبَى. رَوَاهُ الْبُخَارِيُّ Abu Hurayra roziyallohu anhudan rivoyat qilinadi:
«Nabiy sollallohu alayhi vasallam:
«Ummatimning barchasi jannatga kirar, lekin bosh tortganlargina kirmas», dedilar.
«Ey Allohning Rasuli, kim bosh tortadi?» deyishdi.
«Kim menga itoat qilsa, jannatga kiradi, kim menga osiy bo‘lsa, bosh tortgan bo‘ladi», dedilar».
Buxoriy rivoyat qilgan.
Sharh: Payg‘ambar sollallohu alayhi vasallam musulmon odamning jannatga kirishi uning u zotga itoat qilishiga bog‘liq ekanligini ta’kidlamoqdalar.
«Ummatimning barchasi jannatga kirar, bosh tortganlarigina kirmas».
Ya’ni «Ummatimning kirishdan bosh tortganlaridan boshqa hammasi, albatta, jannatga kiradi», demoqdalar. Bundan ajablangan sahobalar:
«Ey Allohning Rasuli, kim bosh tortadi? Jannatga kirishdan bosh tortgan odam ham bo‘ladimi», deyishdi. Bu savolga javoban, u zot sollallohu alayhi vasallam:
«Kim menga itoat qilsa, jannatga kiradi, kim menga osiy bo‘lsa, bosh tortgan bo‘ladi», dedilar.
Ya’ni Payg‘ambar sollallohu alayhi vasallamga itoatdan bosh tortish jannatga kirishdan bosh tortishga barobardir. Payg‘ambar sollallohu alayhi vasallamga itoat qilish u zotning Sunnatlarini mahkam tutish bilan bo‘ladi. Payg‘ambarimiz sollallohu alayhi vasallamning Sunnatlariga amal qilmagan odam esa u zotga osiy bo‘ladi. Demak, xulosa aniq:
Muhammad sollallohu alayhi vasallamning Sunnatlariga itoat qilgan kishi jannatni topadi!
Muhammad sollallohu alayhi vasallamning Sunnatlariga osiylik qilgan kishi do‘zaxni topadi! (“Hadis va Hayot” kitobidan). Vallohu a’lam!
26 May 2022, 02:56 | Savol-javoblar | 139 | Ruhiy tarbiya
«Zikr ahlidan so‘rang» hay’ati:
- Va alaykum assalom! Rasululloh sollallohu alayhi vasallam “Ummatimining barchasi jannatga kiradi, bosh tortganlardan tashqari” dedilar. Kimdir toqatim etmaydi deb bosh tortadi, kimdir uni kimdir buni bahona qiladi. Natija esa bir xil. Baribir o‘qimagan bo‘ladi. Shu o‘rinda insonga jannat yoki do‘zaxni tanlashga imkon beriladi. عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: كُلُّ أُمَّتِي يَدْخُلُونَ الْجَنَّةَ إِلَّا مَنْ أَبَى قَالُوا: يَا رَسُولَ اللهِ وَمَنْ يَأْبَى؟ قَالَ: مَنْ أَطَاعَنِي دَخَلَ الْجَنَّةَ وَمَنْ عَصَانِي فَقَدْ أَبَى. رَوَاهُ الْبُخَارِيُّ Abu Hurayra roziyallohu anhudan rivoyat qilinadi:
«Nabiy sollallohu alayhi vasallam:
«Ummatimning barchasi jannatga kirar, lekin bosh tortganlargina kirmas», dedilar.
«Ey Allohning Rasuli, kim bosh tortadi?» deyishdi.
«Kim menga itoat qilsa, jannatga kiradi, kim menga osiy bo‘lsa, bosh tortgan bo‘ladi», dedilar».
Buxoriy rivoyat qilgan.
Sharh: Payg‘ambar sollallohu alayhi vasallam musulmon odamning jannatga kirishi uning u zotga itoat qilishiga bog‘liq ekanligini ta’kidlamoqdalar.
«Ummatimning barchasi jannatga kirar, bosh tortganlarigina kirmas».
Ya’ni «Ummatimning kirishdan bosh tortganlaridan boshqa hammasi, albatta, jannatga kiradi», demoqdalar. Bundan ajablangan sahobalar:
«Ey Allohning Rasuli, kim bosh tortadi? Jannatga kirishdan bosh tortgan odam ham bo‘ladimi», deyishdi. Bu savolga javoban, u zot sollallohu alayhi vasallam:
«Kim menga itoat qilsa, jannatga kiradi, kim menga osiy bo‘lsa, bosh tortgan bo‘ladi», dedilar.
Ya’ni Payg‘ambar sollallohu alayhi vasallamga itoatdan bosh tortish jannatga kirishdan bosh tortishga barobardir. Payg‘ambar sollallohu alayhi vasallamga itoat qilish u zotning Sunnatlarini mahkam tutish bilan bo‘ladi. Payg‘ambarimiz sollallohu alayhi vasallamning Sunnatlariga amal qilmagan odam esa u zotga osiy bo‘ladi. Demak, xulosa aniq:
Muhammad sollallohu alayhi vasallamning Sunnatlariga itoat qilgan kishi jannatni topadi!
Muhammad sollallohu alayhi vasallamning Sunnatlariga osiylik qilgan kishi do‘zaxni topadi! (“Hadis va Hayot” kitobidan). Vallohu a’lam!
26 May 2022, 02:56 | Savol-javoblar | 139 | Ruhiy tarbiya